Tydens ons segment, “Ons is FGK” het Almero Welgemoed die lied “Jesus in die bad” gesing. Die lied is verfilm in ons erediensspasie. Dit sluit mooi aan by die preek wat oor Eksodus 16 gehandel het (Jy kan die preek hier kyk).
Hier is ‘n video van die lied. Die lirieke is onder aan die video.
Daar’s ‘n foto teen jou kamermuur
Dis Jesus in ‘n bad
En ek wonder of Hy weet dat ek Hom orals sien
Selfs in die hoofstraat van Potchefstroom
Onder die straatlig is ‘n oom
Dis God wat ‘n peer eet
Dis ek en ‘n lemoen
Dis Jesus onder kartonlaken
En ek wat niks doen
Ek is verward meeste van die tyd
En niemand weet
Niemand weet
(Niemand weet)
Wat om te doen
So vra die oom op die straat
Met peer nog in sy baard
Vra die kindjie wat so vloek
Van die winkel op die hoek
Dis God wat so bedel
En ons wat so kla
Dis Jesus wat so soebat
‘n Koning wat moet vra
