Beperkte Inperking
Gemeentelede sal bly wees om te verneem dat FGK ’n Covid-19 Taakspan gestig het wat sake op ons perseel met oordeel bestuur.
Sommige van ons huurders en gevolglik ons personeel is weer op die perseel. Gemeentelede moet asseblief nie kuier of kom groet nie. Enige persoon wat die perseel wel moet betree sal vooraf moet registreer. Om toegang te verkry volg die volgende stappe:
- Let wel dat alle kerkkantoor besoeke slegs per afspraak sal geskied. Kontak office@fgk.co.za of die gemeente se WhatsApp nommer om meer inligting te verkry.
- Alle besoekers is verplig om ‘n masker te dra en hul temperatuur te laat meet by die hek.
- Alle besoekers moet ook eers vir ‘n persoonlike QR kode registreer en die QR kode aflaai of ‘print’ en saambring om by die hek te wys vir toegang.
Stappe om jou QR kode te kry:
Besoek www.coviid.me
a) ‘Generate my COVI-ID’ b) ‘Create my Covi-ID’
Laai QR kode af op slimfoon / tablet of print en bring dit saam wanneer jy kom besoek.
Binne hierdie konteks, kan ons ook dan aankondig dat Bring & Gee (B&G) skenkings op Sondae tussen 11:00 en 12:00 ontvang sal word, asook koeverte met kontant kollekte.
– Vir B&G donasies (of ‘BeweegBokse), ry in, stop op ’n parkering weg van ander persone en laai die donasie net daar af, vertrek weer. Die personeel sal 12:00 alles in dra.
– Vir kontant in koeverte, sal daar ’n ‘drive through’ boksie wees, waar die bestuurder, sonder om uit te klim, die koevert kan ingooi. Ons personeel sal die kontant dadelik bewaar.
