Leraar en Spanleier

Diensleraar & Betereinders

Preekspan

Jaco is by die gemeente sedert 2019. Hy is getroud aan Michelle en hulle het 'n
 baba dogter, Mikah. Hy hou van kreatiwiteit (in al haar vorms), nuwe idees, en is 'n skaamtelose koffie snob.  Hy hou van die buitelewe, padel, hike en om nuwe goed te probeer. 

Tom is getroud met Lollie. Saam met hulle kinders Tayla en Liam leer hulle wat dit beteken om as dissipels van Jesus die avonture van die koninkryk te leef. Tom is lief vir die buitelewe en is baie tevrede met 'n visstok in sy hand of om staproetes te beleef. Hy geniet ook lees en gesels oor 'n koppie koffie. Tom is voltyds by die Kuratorium waar hy hoof is van Voortgesette Bedienings Onderrig (VBO) vir die NG kerk. Hy is op ons preekspan en 'n lid van ons Gemeenteraad.

Na 20 jaar in Mosambiek, plakkerskampe en middestad bly hy nou heerlik in Fontainebleau. Getroud met Marlé, is pa van Schalk nommer 6 en klein Christiaan, het twee hondjies, Apie en Skapie. Sy roeping is om as brug te dien en geregtigheid te bevorder en daarom is hy ook betrokke by Betereinders. Hy hou van bome, perde, skryf en bad.

Corinne raak vreeslik opgewonde oor die klein dingetjies in die lewe. Sy is lief vir avonture en moet elke nou en dan iets nuuts hê om te probeer. Sy het 'n groot liefde vir mense en swieties en het altyd tyd vir 'n geselsie of grappie.

Raynhard is getroud met Marzaan.  Raynhard het 'n passie vir tieners.  Hy was vir sy hele lewe al betrokke in kerk en musiekbedienings.  Hy was vir 11 jaar 'n voltydse musiekonderwyser. Raynhard is stout vir 'n stukkie braaivleis, bosveld, en hou miskien 'n bietjie te veel daarvan om kaalvoet rond te loop.

Jean is 'n Diensleraar asook die Administrateur by FGK se kerkantoor en is verantwoordelik vir verhurings en kerkkantoor-administrasie. Hy is getroud met Liezel. Jean het 'n passie vir geestesgesondheid, narratiewe terapie en roei graag by die gym.

Hi! Ek is Samantha Bantam, noem my Sam! Ek is getroud met Brandon. Ons het ’n kat ( Luna ) en 'n hond ( Fiela ) Hulle is albei reddingsdiere.
Ek is ’n mense-georiënteerde persoon.  Ek hou baie daarvan om te help en by te dra. Ek is prakties en hou daarvan om self betrokke te wees. Ek hou ook daarvan om groot te droom, partykeer n bietjie te groot!
Ek geniet dit om ruimtes te versier, te organiseer en te skep wat inspireer. Dus is ek baie lief daarvoor om troues en events te reel, dit maak my hart bly!  Ek is mal oor kos en om nuwe restaurante uit te probeer, en ek is dalk effens verslaaf aan kafeïen – dit is my gelukkige plek!
My stokperdjies sluit hardloop, stap en swem in, asook om nuwe plekke te verken. Ek en my man hardloop en stap ook graag saam met Fiela.